बंधनमुक्ती

आता कुठे सापडला होता
बंधनमुक्तीचा रस्ता
आणि लगेच खाल्ल्या
रस्त्यात खस्ता.


वखवखणाऱ्या मनावर
तोऱ्याचा ताबा
नुकत्याच रूळलेल्या रस्त्यावर
लगेच आला थांबा.


तरी मला वाटलं होतं
रस्ता असावा उजेडातला
नाहीतर चोर रस्त्याने
व्हायचं धडपडायला.


लागली ठेच तर लागू दे
पडू दे वा धडपडू दे
यापरीस हिम्मत मिळणार कशी
आता हा वारू चौखूर उधळू दे.

- चेतन कदम.
१६  जानेवारी  २०१७

डोह

त्या दिवसापासुन पुन्हा पुन्हा
एक चेहरा खुणावतोय
डोळे मिटले कि पापण्यात लपतोय
डोळे उघडले कि नजरेसमोर तरळतोय

सुर्यप्रकाशासारखे स्वच्छ डोळे
त्यावर लुकलुकणारया पापण्या
जणु गुलाबाच्या पाकळ्याच
आणी ते मुखकमल नितळ भाव असणारे

मी मुग्ध आहे धुंद आहे
या साचलेल्या डोहाला आज
वाट मिळाली आहे
वाहायला खळखळायला
आता मी वाहणारच
सखे,
हा डोह आता कधीच नाही आटणार,
शेवाळणार, हिरवटणार...

- चेतन कदम.
२१ ऑक्टोबर २०१०

अबोली

तो भ्रमर वेडा एकला
सतत उडत राहणारा,
उडण्यातच आनंद मानणारा,
आपल्यातच गुंतुन राहणारा,

एक दिवस भेटली ती त्याला,
इतर फुलांहुन मंद गंध असलेली,
मकरंद नसलेली,
परि वेगळेच सौंदर्य ठासुन भरलेली,

कोवळी, सालस अन् निरागस,
नेहमीच प्रसन्न टवटवीत हसणारी,
वेडीपिशी होवुन मस्तीत डुलणारी,
अल्लडपणा जपत नाजूक खुलणारी.

भारीला भ्रमर वेडा
तिच्या प्रसन्नतेने,
निरागस आकर्षकतेने,
मनमोहक केशरी रंगाने,

परि गेला उडुनी तो कळता
तिजपाशी मकरंद नसल्याचे
ती करित राहिली प्रसन्न वर्षाव प्रेमाचे,
तिने न सोडिले रानमाळी फुलायचे

-चेतन कदम
२५ जुन २००९